Það er mikil spenna í Laugó þessa dagana því á föstudaginn verður Söngkeppni Kringlumýrar. Það er met þátttaka frá Laugó þetta árið en 7 atriði keppa fyrir Laugó hönd en alls keppa um 22 atriði. Keppnin verður haldin í Laugó þetta árið og byrjar keppnin stundvíslega klukkan 19:00 en húsið opnar klukkan 18:30.

Síðasta föstudag prufuðum við nokkuð sem heitir „House of Feelings“ eða hús tilfinninganna. Það gengur út á að krakkarnir eru með bundið fyrir augun og eru leiddir eitt og eitt í gegnum salinn þar sem þau fá að prufa ýmsa hluti. Til dæmis dýfa löppunum í kalt vatn, labba á kornflexi, hlusta á tónlist, fá súran brjóstsykur, dýfa hendinni í jelló, labba á púðum og margt annað sem örvar skynfærin. Aðeins tveir til þrír voru inn í salnum í einu og allir voru leiddir í gegnum þrautirnar.

Nú er dagskráin komin fyrir janúar mánuð. Það er margt og mikið sem verður um að vera hjá okkur eins og til dæmis Avatarkvöld, 8.bekkjarkvöld, spilakvöld og að sjálfsögðu söngkeppni Kringlumýrar. Það eru nú þegar 4 atriði skráð til leiks fyrir hönd Laugó. Á morgun er sérstök opnun bara fyrir 8.bekk en þá ætlum við að gera brjóstsykra og leyfa krökkunum að njóta alls þess sem hægt er að gera í Laugó. Ef það eru einhverjir 8.bekkingar sem ekki hafa komið í Laugó ennþá þá er um að gera að kíkja við hjá okkur á morgun, húsið opnar klukkan 19:30 - 22:00. Vonandi sjáumst við sem flest!