Við í Bústöðum slúttuðum síðustu viku með glæsilegu FIFA2012 móti en þeir Axel og Gummi báru sigur úr bítum og fengu að launum glæsileg verðlaun. Þessi vika sem nú er að hefjast er stútfull af fjöri, eins og flestar aðrar vikur. Áfram heldur árshátíðarundirbúningurinn en það stefnir allt í hina glæsilegustu árshátíð. Þriðjudagskvöldið ætlum við að taka niður skráningu fyrir 9. bekk á SamFestinginn en þeim standa til boða 15 miðar. Sama kvöld ætlum við að sýna leik Chelsea og Napoli í meistaradeildinni og bjóða upp á yoga og slökun.

Á öskudag verður opið fyrir 6. og 7. bekk Breiðagerðis- og Fossvogsskóla í Bústöðum frá 14:00 – 17:00. Við verðum með æsispennandi öskudags-bingó kapphlaup! Einnig verða veitt verðlaun fyrir flottasta búninginn. Sjáumst öll í Bústöðum!

Sameiginlega ball Kringlumýrar, Fimman, var haldið í síðustu viku í Réttarholtsskóla og skemmtu gestir sér mjög vel. Orðið er á götunni að ballið hafi verið það skemmtilegasta á þessu skólaári og munum við án efa hafa þetta ball sem árlegan viðburð innan Kringlumýrar.