Næstkomandi föstudag er síðasta föstudagskvöldopnun hér í Bústöðum. Í tilefni þess ætlum við að fara með 55 unglinga í Bláa Lónið og njóta lífsins. Þegar við komum aftur í Bústaði að lokinni Bláa Lónsferð ætlum við að grilla pylsur fyrir mannskapinn. Við erum farin að hlakka ótrúlega mikið til að fara í þessa ferð með unglingunum og byrjuð að telja niður. Við ætlum ekkert að láta kalda veðrið á okkur fá, svo mikið er víst.

Á morgun er sumardagurinn fyrsti og ætlum við í Bústöðum að fagna komu sumarsins ásamt fleiri góðum á hátíð Bústaðahverfis. Dagskrána má sjá hér til hliðar og vonum við að sjá sem flesta á þessari góðu skemmtun. Sumarkveðja, Bústaðir

Úrslitakvöld Músíktilrauna 2012 fór fram um helgina, nánar tiltekið laugardaginn 31. mars. Hljómsveitin White Signal var kosin hljómsveit fólksins í almennri símakosningu Rásar 2 og óskum við þeim innilega til hamingju með þann glæsta titil. Trommuleikari hljómsveitarinnar, Sólrún Mjöll Kjartansdóttir, var einnig kosin trommari Músíktilrauna 2012. Einstaklega glæsileg frammistaða hjá White Signal.