Vá hvað það er búið að vera gaman hjá okkur í dag. Hér mætti hersingin í búningum kl. 12 í dag og allir kátir og spenntir. Klukkan eitt fórum við upp í sal og slógum köttinn úr tunnunni og hún Áslaug í 1. bekk varð tunnukóngur að þessu sinni, í byrjun þriðju umferðar. Í tunnunni leyndust pokar handa öllum fullir af poppi, nammi og piparkökum. Svo var dansað og leikið. En myndirnar segja meira en mörg orð svo að þið skuluð kíkja í myndaalbúmið. Hafið það gott í vetrarfríiinu, sjáumst hress á mánudaginn.

Komið í búning og takið lagið og fáið glaðning. Það verður hress stemmning í Þróttheimum í kvöld, alvöru öskudagsgleði. Hvetjum alla til þess að mæta í búning eða með öskupoka og taka þátt í gleðinni með okkur.

Það verður öskudagsgleði fyrir 6. og 7. bekk í Þróttheimum í dag. Við ætlum að fara í skemmtilega og skrýtna leiki og enda öskudaginn saman. Endilega hvetjið krakkana og hvort annað til þess að kíkja við í Þróttheimum á milli 5 og 7 á leið heim úr sníkjuleiðangrinum.

Í kvöld bjóðum við uppá ÖSKUDAGSGLEÐI Í LAUGÓ! Félagsmiðstöðin Holtið kemur í heimsókn til okkar og við ætlum að keppa við þau í fáránleikum og kappáti. Ætlar þú ekki örugglega að mæta? :)