Kæru unglingar við viljum sjá sem allra flesta í kvöld því að í kvöld verður síðasta föstudags kvöldopnunin í vetur. Það er því ekki um annað að ræða en að fjölmenna í Þróttheima í kvöld og gæða sér á girnilegum grillmat og gleyma sér í glensi og gaum.

Á mánudaginn ætla Hildur og Steinar að stjórna vatnsstríði í 3.-4. bekkjarklúbbi. Það er mikilvægt að allir sem ætla að taka þátt í vatnsstríðinu komi með aukaföt með sér á mánudaginn því það má búast við því að rennblotna. Leyfilegt er að koma með eigin vatnsbyssur en þeir sem eiga ekki vatnsbyssur þurfa engu að kvíða, þeir fá lánaðar flottar vatnsbyssur og vatnsblöðrur hjá okkur.

Nú er skráningu lokið fyrir heila daginn 18. maí. Dagskrána má finna hér til hliðar undir Dagskrár.

Nú er skráningu lokið á heila daginn í Álftabæ föstudaginn 18. maí. Vonandi fáum við ágætis veður því að eftir morgunnestið stefnum við á að rölta niður á Klambratún og leika okkur þar fram að hádegismat. Svo verður í boði að fara í Tónabæ sem og frjálst val í Álftabæ.