Frístundaheimilin bjóða upp á fjölbreytt tómstundastarf þegar hefðbundnum skóladegi 6-9 ára barna lýkur.  Leiðarljós frístundaheimilanna er að hver einstaklingur fái að njóta sín og þroskast í umhverfi sem einkennist af hlýju, öryggi og virðingu.

 

 

Frístundaheimilin eru opin til 17.15 á daginn.

 

 

Það er boðið upp á vistun í páska- og jólaleyfum frá 8:00 til 17:15, en lokað í vetrarfríi skóla og á rauðum dögum.  Greitt er aukalega 890 kr. fyrir viðveru fyrir hádegi þessa daga.

 

 

Já, það er opið frá 8:00 til 17.15 á frístundaheimilum á starfsdögum skólans.

 

 

Frá og með haustinu 2004 rekur ÍTR öll frístundaheimili í Reykjavík.  Þannig ber Tónabær ábyrgð á rekstri frístundaheimilanna í Austurbænum.

 

 

Frístundaheimilin eru staðsett í húsnæði skólanna og hafa eina heimstöð, svokallað hjarta frístundaheimilisins.  Jafnframt er leitast við að hafa samráð við skóla um samnýtingu á húsnæði sem ekki er í notkun hverju sinni, s.s. sérgreinastofur, íþróttasalur og hátíðarsalur.

 

 

Tekið verður á móti jafnmörgum börnum og starfsmannafjöldi og húsnæði á hverjum stað leyfa.

 

 

Segja þarf upp plássinu á rafrænni Reykjavík viðkomandi frístundaheimilis og þarf það að gerast fyrir 15. hvers mánaðar.

 

 

Allir starfsmenn frístundaheimila hafa farið á námskeið um öryggi, slys og forvarnir og eru eldri en tvítugir.  Á frístundaheimilum gilda öryggisreglur sem starfsmönnum ber að fylgja, til að mynda eru aldrei fleiri en 8 börn á starfsmann í vettvangsferðum.

 

 

Íþróttaskólarnir eru reknir af íþróttafélögum hverfanna í samstarfi við íþróttabandalag Reykjavíkur.  Þeir eru ætlaðir 6 ára börnum og verða starfræktir þar sem því verður við komið (ef aðstæður leyfa).

 

 

Frístundaheimilin leggja áherslu á foreldrasamstarf.  Umsjónarmenn hafa auglýsta vikulega viðtalstíma sem þeir kynna foreldrum og jafnframt eru reglulega send út fréttabréf og dagskrár (þar sem það á við). Gott upplýsingaflæði milli foreldra og starfsmanna er góð leið til að stuðla að vellíðan barnsins á frístundaheimilinu.