16.6.2010
Sumarstarf fyrir 10-12 ára
Frístundamiðstöðin Kringlumýri býður uppá fjölbreyttar
smiðjur og
viðburði fyrir börn sem hafa lokið 5., 6. og 7. bekk (fædd '97–'99) úr
Álftamýrarskóla, Breiðagerðisskóla, Fossvogsskóla, Hvassaleitisskóla,
Langholtsskóla, Laugalækjarskóla, Laugarnesskóla og Vogaskóla.
Smiðjurnar
hófust miðvikudaginn 9. júní og verða frá kl. 09:00 – 16:00 alla virka
daga fram til miðvikudagsins 14. júlí.
ATHUGIÐ!
Sumarstarfið
fyrir 10-12 ára fer fram á tveimur stöðum:
Í félagsmiðstöðinni
Bústaðir (undir Bústaðakirkju, Tunguvegi 25) vikurnar 9. júní - 25.
júní.
Í félagsmiðstöðinni Laugó (inní Laugalækjarskóla, Leirulæk
2) vikurnar 28. júní - 14. júlí.
Skráning stendur yfir inná
Rafrænni Reykjavík, sjá nánar á heimasíðunni www.itr.is/sumar og hér til hliðar undir "Sumarstarf fyrir 10-12 ára".
21.5.2010
Laugó safnar fyrir Senegal
Næstkomandi miðvikudagskvöld, þann 26. maí klukkan 20:00, ætlar félagsmiðstöðin Laugó að hafa menningarkvöld. Unglingarnir verða með tónlistaratriði og sannkölluð kaffihúsarstemning verður við líði. Kakó og vöfflur verða til sölu, hægt verður að taka þátt í bingó þar sem stórglæsilegir vinningar verða í boði og frjáls framlög verða vel þegin.
Allur ágóði kvöldsins rennur til hjálparstarfsins sem ABC styrkir í Dakar í Senegal. Við völdum þennan stað því Eva Ösp, starfsmaður okkar, er að fara út í haust sem sjálfboðaliði ABC og fannst því tilvalið að unglingarnir okkar mundu safna fyrir unglingana í Dakar.
Við hvetjum sem flesta, foreldra jafnt sem unglinga, til að mæta og styðja við unglingana í Dakar.
Bestu kveðjur, góða og gleðilega helgi!