Söngkeppni Kringlumýrar

15 atriði með rúmlega 50 keppendum innborðs tóku þátt og að auki stigu tveir kynnar frá hverri félagsmiðstöð á stokk og kynntu atriðin frá sinni félagsmiðstöð. Rúmlega 300 áhorfendur mættu í Laugó þetta kvöld og stemmingin var gríðarlega góð.
 
Í þriðja sæti lenti Sandra Smáradóttir úr Bústöðum. Hún söng lagið Hoppa í polla með Sigurrós og naut til þess aðstoðar frá hljómsveit skipaðri Hönnu Maríu Geirdal, Herdísi Hergeirsdóttur, Söru Högnadóttur og Ragnhildi Erlu Þorgeirsdóttur.
 
Í öðru sæti lenti Rebekka Rún Jóhannesdóttir sem söng lagið Presley með hljómsveitinni Grafík. Henni til haldsog trausts var Snorri Björnsson sem spilaði á gítar.
 
Það voru hinsvegar Alexía Rut Hannesdóttir, Þórdís Lilja Samsonardóttir og Gréta Arnarsdóttir úr Laugó sem fóru með sigur af hólmi með lagið Im yours eftir Jason Mraz. Gréta og Þórdís sungu og Alexía spilaði undir á gítar. Lagið var sungið á íslensku en textann þýddu þær ásamt kennara sínum Jóni Thoroddsen. Stelpurnar verða eins og áður segir fulltrúar Kringlumýrar í söngkeppni Samfés í mars.
 
Keppnin var tekin upp á myndband af nemendum Borgarholtsskóla og verður gefin út á DVD disk á næstu dögum.

Umsóknir á frístundaheimili ÍTR fyrir skólaárið 2010-2011